原定安排傍晚時才去廬山溫泉，
現在反正冇地方可以去，
就早些過去行下泡下湯。
昨天由埔里上山時，已經見到有個分岔路，
左邊上清境，右邊去廬山。
我地set好GPS之後就跟住指示駛落山，
但途中GPS指了我們行捷徑，
駛入一條很窄的山路，
那條路我在Google都找不到，
大概位置在地圖的14甲橫行過去。
路程是縮短了，但那是單程山路，
如果有對頭車都幾麻煩。
無驚無險好快就到左廬山溫泉。
我地將車停係溫泉區下面，
因為上溫泉區條路非常斜，
見到有警告牌寫住小型車勿上，
可能驚細車唔夠力，
我們租車既更加唔敢硬闖。
斜路盡頭就係廬山吊橋，我地冇過橋，
而係去右邊既溫泉街。
條街好短得幾間舖頭同一兩間餐廳，
遊客都唔多個。
呢度應該係過左吊橋入面，好舊好鄉下
終於來到目的地-天廬大飯店，但係已經停業。
其實來廬山之前做了一輪功課，
發現好多人問廬山現况，究竟廬山發生甚麼事呢？
原來廬山溫泉區於2008年9月颱風「辛樂克」
吹襲台灣時受重創，當年9月15日，
南投縣發生多處土石流；
而以廬山溫泉區的土石流發生較為最嚴重。
有飯店及民宿倒塌，多名員工和遊客被活埋。
摧殘之後，重建之路遙遙無期，遊客銳減，
以至好多溫泉旅館相繼結業。
咁點解會揀天廬呢?
就因為呢個e-go清境觀光巴士廬山泡湯團，
天廬大飯店就係其中一間指定泡湯飯店。
(到現在網站仍然冇更新資料)
一場來到，四圍搵下其他旅館。
一路行都唔見有人，死城一個。
最後找到這間蜜月館大飯店有得泡湯，
NTD350一個人，入去睇過還可以，
有好多唔同款既按摩池，
而且都有唔少客，咁就呢間啦。
間飯店都幾多客，
我們走時剛好有一團人check in。
浸完溫泉返上山食晚飯，
今次個GPS指番條正常公路比我地行。
今晚團友想食甕缸雞，
落山時已經留意到公路旁有間幾大下既餐廳。
就係呢間伊拿谷，天都未黑已經要等位。
等位期間走入餐廳後面睇風景，
影下清境藍調
zoom近D睇下先，對面有條村
餐廳門口有幾個大缸，就係用來燒雞既甕缸。
師傅攞起隻剛燒好既雞比我地影相。
等左一陣有位，我地叫左個A餐，
NTD1000四餸一湯，白飯一桶。
另外又加NTD500要多一隻雞消夜食。
第一碟上枱係雞湯滷桂竹筍，
唔錯，幾好味。
山菜炒山豬肉，
食唔出山豬肉同普通豬肉分別。
炒高麗菜
主角甕缸雞，隻雞係剛燒好仲熱騰騰，
有對勞工手套加膠手套比我地撕開隻雞。
隻雞冇昨晚係水擺夷食既雞好味，
感覺唔太新鮮，
可能雞劏好後擺了一段時間才燒。
呢間餐廳唔係食完結帳，
而係去櫃台落單同時比埋錢先。
食飽飽開車去7仔買定啤酒回民宿再食過。
~ ~ ~ Index ~ ~ ~
上一篇 : Day 2.4 老英格蘭莊園
下一篇 : Day 3.1 元首館
廬山溫泉我住過一次。當時已經同團友講D飯店建築在咁近條溪，好有危險。估唔到講左呢句話幾個月後就發生咁大件事。當時我話嗰間飯店，成間sir左落條溪嗰度。唉！
回覆刪除後來我黎清境，都特意到廬山睇下佢變成點，但就愈睇愈心UP。
睇黎應該都係無得再攪，睇下幾時可以封左佢。
睇嚟都係喇，成個溫泉區人影都唔多個，連D泉眼都關埋。
回覆刪除我地有問過附近商舖，聽到話政府要管制溫泉區，所以好多飯店結業。
可能係有潛在性既危險，讓其繼續經營會出現人命的威脅。
回覆刪除浸溫泉都有望落條溪度，成條溪都係水泥色，可能不斷都有泥石流落去。
刪除