2015年5月8日星期五

2015 東北關東走馬看花之旅 - 序

今次旅程其實係無心插柳,事緣半年前某日手痕上快運網買了來回羽田機票,時間是4月尾至5月初。買了機票才諗地點,當時記得東北櫻花應該是4月尾開,於是就計劃去東北追櫻。接著又想起五月初足利有紫藤及秩父有芝櫻,於是加落行程表。東北路途遙遠,唔想司機太辛苦,所以買JREast Pass,關東就會租兩日車。

訂好大概路線,就開始度行程及住宿。以往定好行程後都會先出行程篇,但今次的行程受各方因素影響,一直無法定出完整行程,旅程中仍然要每晚改行程。

首先是訂不到WeSpaウェスパ椿山的獨立屋,半年前訂就已經full了。接著輪到鶴の湯,看過很多Blog都是電郵去田沢湖観光所代辨。但收到回覆是已經不再代辨訂旅館,叫我們用Japanese Guest Houses,搜尋過這個訂房網的資料很少,對它沒有信心。後來醒起可以用白金信用卡秘書服務,終於第一次透過白金秘書服務訂下了鶴の湯的二、三號館,本陣又是早半年已經訂不到。

接著是知道五月初是日本黃金周,計算過從青森返回關東的日子剛好踏入黃金周開始,於是在出發前上網訂新幹線車票,但出現系統擠塞,一直沒法預約成功。無辦法下唯有訂下多個方案,另外又要經常查看新幹線的空席情況。之後輪到關東,知道一定會塞車,就將原本青森落東京,改為去大宮,在大宮攞車後直上足利,當晚住足利,方便第二天一早去睇紫藤,避到幾多得幾多,景點亦不可安排太多。

最後是東北的櫻花竟然是30年來最早滿開,這壞消息把我們的行程徹底打亂了。受制於兩間溫泉旅館,行程不可大執,唯有隨遇而安。另外原本是三人行,一早在各地東橫INN訂了一間雙人房及一間單人房。後來大少又要加入,大約是在二月尾買機票。立即去東橫INN改雙人房,但有些地方已經沒有房了。而Jalan的房價亦很貴,亦沒有很多選擇。終於決定除了兩間溫泉旅館外,全程住東橫INN。到最後只有東北的房可以攺雙床房。琦玉及東京都一直沒有雙人/雙床房,結果是臨時即場加人補差價。

除了櫻花不似預期外,整個旅程仍然是圓滿的。天氣好得沒話說,九天旅程沒有下過一滴雨,太陽天天陪伴著我們。一家人已經有十多年沒有一起踏單車,竟然可以在日本踏單車郊遊樂,還要一連踩兩天。


雖然天晴,但沒有藍天白雲,田沢湖也失色了


終於一嘗乳頭溫泉鶴の湯混浴


秋田竿燈館初體驗


兩日內坐齊リゾートしらかみ三兄弟




十二湖健行,沒有櫻花海,但有湖光山色,一樣是不枉此行。


不老ふ死嘆溫泉看日落


最喜出望外的弘前櫻花


參觀青函連絡船八甲田丸


期待已久的紫藤花及芝櫻



大宮鐵路博物館大開眼界


睇完火車再睇船,今次是戰艦三笠紀念軍艦


最後一天購物加觀光 - 新宿都廳


第一次看日出竟然是在羽田空港



25 則留言:

  1. 可以用 JR East pass 上網劃新幹線指定席?

    回覆刪除
    回覆
    1. 我地去到先買Pass,不過可以預先上網訂位,但最終都訂唔到。

      刪除
  2. Wow ~ 單係個序章都咁精彩 , 樣樣都要機關算盡 ,
    呢個行程認真唔簡單 . 勁期待 ! ^_^ ~

    回覆刪除
    回覆
    1. 所以日日都唔夠瞓,攰到呢=.=

      刪除
    2. 真係好精彩,雖然事前忙到一頭煙,但一切都值得,勁期待 x2 ^^

      刪除
  3. 難得一家4口夾到時間一齊去旅行,真開心!

    回覆刪除
    回覆
    1. 最開心係一家人踏單車,好似時光倒流返佢地細果時^^

      刪除
  4. "九天旅程沒有下過一滴雨,太陽天天陪伴著我們", 妒忌死人喇!!!!!
    紫藤同芝櫻都好靚啊!!

    回覆刪除
    回覆
    1. 我夠妒忌你啲靚櫻花囉^^
      紫藤好靚,芝櫻開始謝唔夠密。

      刪除
    2. 你倆個我都同樣羨慕加妒忌 :p

      刪除
    3. 唔使羨慕加妒忌,一於明年諗諗佢,我已經有plan明年再挑戰櫻花,哈哈..

      刪除
    4. 櫻花跟我無緣啦, 花期正值是公司不會放人的日子, 除非辭工啦, 嗚~~~

      刪除
    5. 5月初上北海道得唔得?

      刪除
    6. 試過啦~ 花期好難遇, 早又未必有, 遲有落哂, 唉~~~~~

      刪除
    7. 咁唯有睇住紅葉先-_-#

      刪除
  5. 6月28日我都有機會去九州門司港九州鐵道紀念館睇。

    回覆刪除
    回覆
    1. 師公兩個館我都去過, 門司港個細好多, 有機會都係去大宮睇睇.

      刪除
    2. 好咁睇住個細館先,下次先至睇大館。謝謝你的溫馨提示。

      刪除
    3. 大宮呢個好多野睇,我都唔夠時間,睇唔晒。

      刪除
  6. 請問JR East pass 在香港旅行社買好?還是去到日本才買?網上可預訂位就真好啦﹗我早幾個月都訂吾到鶴の湯,原來白金信用卡秘書服務可以代訂到日本酒店,我現在才知道﹗

    回覆刪除
    回覆
    1. JREast Pass可以網上買或香港旅行社買, 不過我就去到日本先買, 順便出埋飛, 可以參考官網 http://www.jreast.co.jp/tc/eastpass/
      如果唔係旺季唔使預先book, 因為要入visa card, 聽過有人比佢照扣左錢, 有排攪. 我因為撞正日本黃金周先至諗住訂位, 但最終都係訂唔到><
      白金秘書服務聽就聽得多, 都係第一次用

      刪除
  7. 白金咭秘書服務,係唔係張張白金咭都有架?

    回覆刪除
  8. 白金咭秘書服務,係唔係張張白金咭都有架?

    回覆刪除
    回覆
    1. 好似唔係張張都有, 我諗大路既咭都有掛, 我上次用東亞master card.

      刪除

多謝你的留言, 如果想以電郵通知我們的回覆, 請按「通知我」,我地會儘快回覆。