2015年5月10日星期日

2015 東北關東走馬看花之旅 - Day 1.1 盛岡到著


等到花兒也謝了,終於等到這個走馬看殘櫻之旅出發了。再次搭乘香港快運凌晨機,T2 check in後,返回T1過關。505號閘口,又要坐接駁巴士。

準時登機,但因出現人為錯誤導致延遲了接近1小時才起飛。
伸延閱讀: 再談香港快運

4:32飛越日本上空,富士山出現在眼前

遲起飛自然遲到達,過海關又排長龍,最終要6:37才去到車站,要乘6:41的急行車出品川再轉山手線往東京駅。

7:21到達東京車站,闊別7個月又再見了,唔知下次到東京駅會是幾年之後呢?

第一時間走去買JREast Pass,門外已有人龍排隊,幸好這裡職員身經百戰,很快便輪到我們。

買了pass就出車票,將預先準備好的時間表交給職員,幸運地所有時段都有位,只是今天上盛岡沒有連坐,四個人分四行,沒所謂有車票就好了。最開心是五能線其中一程還訂到二号車的ボックス席。(按初步計劃只會坐兩次五能線,最後更改了行程,坐齊三兄弟,換票後更幸運地三程車都訂到ボックス席)。

等出票其間周圍影下相

要去的地方全滿開,其實應該是全finishing。

時間無多要趕上盛岡,在月台買了駅丼便要上車。
《東京~盛岡 8:20-10:32 [新幹線]はやぶさ5号》
第一次在新幹線上食駅丼,買了兩款可加熱的丼,只要拉走盒裡面的線,個丼就會發熱,等5分鐘就食得。

牛舌丼當然不及仙台牛舌好味啦

三味丼义燒很肥

見識完駅丼,攞車票出來影相才發現出漏了仙台去大宮的車票。幸好早發現早補回車票,因為幾日後又想改行程從青森落東京,但已經全車沒空席了。

到達盛岡駅,我們第一個行程是去北上,原本可乘新幹線直接去北上《東京~北上 (8:48-11:47) [新幹線]やまびこ43号》,但該班車比我們坐的班次遲開亦遲到著。所以選了坐快車先到盛岡酒店放行李,再折返北上《盛岡~北上 (11:07-11:29) [新幹線]やまびこ44号》,比直去還要早到十幾分鐘又可省回locker錢。

對上一次到盛岡是311大地震前一個月,闊別四年,終於可重臨東北。

10 則留言:

  1. 我都 plan 緊坐唔坐 0820 呢班車上新青森, 上到去都係11 點幾仲有好多時間.
    個牛舌丼係咪成個東京站周圍都有得買, 不過咁早食飯驚住食唔落 ;;)

    回覆刪除
    回覆
    1. 早d上去時間好用得多。如果有時間東京站入面有多啲選擇,我地要趕車所以喺月台買,得幾款揀。成晚冇食野,點會食唔落呀XD

      刪除
  2. 又因為遲左飛,所以先至在上空睇到富士山?

    回覆刪除
    回覆
    1. 可能係啦,上年去到個天都未光睇唔到,今次飛到去天已經光,所以睇到,我地坐左手邊AB位睇富士山,右邊就睇日出。

      刪除
  3. 如果唔係遲了一個鐘起飛,就看不到富士山了。
    點解唔在羽田空港出Pass ? 可以慳埋由羽田去東京程車錢嘛。

    回覆刪除
    回覆
    1. 羽田開7:45,如果等佢開出完Pass驚趕唔到8:20班車上盛岡。

      刪除
    2. 最近既品川駅仲要開10:00,所以一定要去東京駅。

      刪除
  4. 都寫左好多篇喎 , 就由呢篇開始慢慢睇 . ^^
    你好犀利呀 , 自駕 & JR 遊都得 , 我淨係識得自駕遊 ,
    要我攪JR Pass 既話 , 真係唔得掂 , 佩服 .
    P.S. : 東京往盛岡需時多久 ?

    回覆刪除
    回覆
    1. 啱啱開始第三日,仲有排寫^_-
      我的自由行係由搭JR開始,攪JR Pass冇難度,反而係火車以外嘅交通先難攪,班次疏係最大問題-_-#
      東京往盛岡,新幹線都有快慢,快車兩個鐘左右,慢車停多好多站要多一個鐘先到。

      刪除

多謝你的留言, 如果想以電郵通知我們的回覆, 請按「通知我」,我地會儘快回覆。