2015年5月13日星期三

2015 東北關東走馬看花之旅 - Day 1.5 盛岡城跡公園


由角館返回盛岡,再次乘坐秋田新幹線。今天這幾程新幹線都有電制,可以幫電子用品义义電。之後的五能線就沒有電制。

回到盛岡趁還未天黑就坐循環巴士到盛岡城跡公園看看。在市役所前下車,過對面馬路便是公園。整個公園只剩這幾棵櫻花樹。

再往上走連人都唔多個,見天已轉黑,也不逗留了。從指示牌見到前面就是桵山神社,就順道參觀完才離開。

神社旁邊的樓梯級上去就是烏帽子岩
天黑了不上去了,只影張相當去過吧!

個天黑得很快,我們亦不作逗留,走回車站等巴士返回盛岡駅。先到酒店check in,休息一會去了附近食店食晚餐。見到這間盛閣樓有冷麵及燒肉,就試一試這間。其實不太肚餓,因為整日都是食不停,所以只要了一碗冷麵 (1200円),一碟牛舌 (1600円) 及一份燒肉定食 (2000円) (大少有些不適仍在酒店休息,所以只要三份)。

燒肉味道一般,冷麵第一次食,感覺不錯。麵質很煙煙韌韌但唔硬,幾有口感又好味,所以第二朝去盛岡駅商場買了盒冷麵回家。

食完離開唔記得影餐廳門口,落到街才記起,但因出去食飯沒有帶相機,用手機影加上天黑,所以效果比較差。

食飽到附近逛逛,見到有Donut又買了來食,全日都不停口食。

在序篇已經提過今次除了兩間溫泉旅館外,全程都是住東橫Inn。今晚就是住盛岡駅前,真的很近,一出盛岡駅已見到。四年前曾在這間酒店寄存過行李,今次才是第一次住。

一貫的東橫INN風格,所以沒有再影相。只是房間多了衣櫃,但卻阻礙了我放大行李。還是掛牆的好。

早餐明顯比之前的差了很多,沒有我必食的沙律,香腸炒蛋亦沒有,有一間連麵包也沒有。這間有果汁已經很好,有些甚至只有咖啡及水。

東橫Inn盛岡駅前:
禁煙エコノミーダブル = 6156円
禁煙ツイン = 8208円

5 則留言:

  1. 東橫Inn酒店寄存過行李,今次才是第一次住,請問吾住都可以寄存行李?

    回覆刪除
    回覆
    1. 唔住係唔可以寄存行李架, 不過如果你同一晚會住另一間東橫, 佢地多數會幫你keep行李

      刪除
    2. 我四年前係盛岡呢間寄行李係因為果晚住八戶東橫, 所以佢比我地放行李. 今次我都有係青森放行李, 但冇住青森.

      刪除
    3. 明白啦,謝謝回覆﹗

      刪除

多謝你的留言, 如果想以電郵通知我們的回覆, 請按「通知我」,我地會儘快回覆。